مجلة دار الفكر العربي للأداب الألكترونيه ..غيداء القوافي / … الشاعر الأديب ... ..........محمد جمال فايد............…. يكتب لنا /.إلى أمي في يوم ميلادي

.إلى أمي في يوم ميلادي....
 إتولدت أصرخ بحبك
............ جوه بطنك فيه أمان
 ليه يامامانزلت منك
............ وارتمى ف إيد الزمان
 كنت ساكن جوه قلبك
........... وكنت حاسس بالحنان
 كل نبضة أسمعها إنك
............. تدعى ربك فى الأدان
 إنى ما ابعدلحظة عنك
............. جوه عينك فيه مكان
 لما اخاف أجرى لحضنك
......... وانسى خوفى واللى كان
 فرحتك من فرحة إبنك
............... والألم ف العين يبان
 أصل دمى هوه دمك
................. والعظام منك كمان
 مش هيكرم بعد منك
............... إللى عاب فيك وهان
 والرسول وصى في حقك
............ قال ذليل ويعيش مهان
 إللى شكك يوم في حبك
........ وارتمى ف حضن الشيطان
 واللى ترضى الأم عنه
......جزاؤه من ربه جنة الرضوان
.............بقلم الشاعر..................
..........محمد جمال فايد............
......جمهورية مصر العربية..........
..كفرشبرازنجي الباجورمنوفية...