الشاعرة الأديبه بتول العتربي تكتب قصيدة كله ساكن للزمان تحياتي

كله ساكن للزمان
والوشوش شايفه إللى كان
ساعة تلقى وش يضحك
وساعة تايه فى المكان
والزيادة والإعادة
لما تلقى الكل خان
الإرادة فين مكانها
روح ودور ع الميدان
شعب ساكن حتة واحدة
بس راكن لم يبان
قلت له يا عم فوق
جى لك يجى ألف طوق
آم يهزر يحكى قصة
كلها كدب وخازوق
م الوشوش أنا تهت لكن
قلبى لسه فيه أماكن
تزرع الحب إللى ساكن
وفى بلدنا من زمان
حب شاع بين الجيران
يعنى قلبى قلب جارى
لو تحطه ع الميزان
تصبح الكفة دى واحدة
أمة واحدة
والقضية فى إللى خان
#  بتول العتربى