الشاعر الكبير الاديب .. عصام أبو دنيا / يكتب في خدودك غمازتين / تحياتي

" في خدودك غمازتين "
                      ،،،،،،،
       في خدودك غمازتين
       بيخلوا الضحكه اتنين
       وعيونك لما إبتسمت
       قسمت قلبي نصين
       فيه نص لقيته معاكي
      والنص التاني فين؟!
               ،،،،
       في خدودك غمازتين
       بهجتهم ماليه العين
       والكون له هلال بينور
       وانتى فى خدك هلالين
       ارجوكي تعالي ندور
       ونشوف قلبي راح فين
            ،،،،، 
       في خدودك غمازتين
       حضنوا شفايفك الاتنين
       و الريق له طعم السكر
       و اللولي ع الصفين
       وخلاص في غرامك بسكر
       ونسيت قلبي راح فين
            ،،،،،
           (  عصام ابودنيا  )
                  ،،،،،