أيدي في أيديك
( 210)
.........................
انا مش هسيبك مهما كان
وهروح معاك لأبعد مكان
وهموت وأنا حاضن أيديك
وأيديا قبلك خوف عليك
ايامنا شوق ونسيم غرام
وعيون بتحكي بدون كلام
في الدنيا حظي وقسمتي
وربيع حياتي وضحكتي
عايش على نبضك كمان
وبحس بيك ده انت الأمان
دمك بيجري في الوريد
وفى كل يوم عشقك يزيد
عايز تسيبني أعيش وحيد
ده انا قبل منك ايد في أيد
لا فراق هيمنع إني أجيك
ولا موت هيقطع نبضي ليك
هي الحياه تحلا إلا بيك
والموت كمان لو بين أيديك
أيدي في أيديك ..
بقلم .. صبري رسلان
ليست هناك تعليقات:
إرسال تعليق