صبري رسلان

 العسل المر (231)

..................

ولمين يا قلبي 

هتشتكي ..

من جرح صابك

ما لقيتش حد يسمعك 

ويحس نارك ..

كل اللي ليا بيبعدوا 

ناسيين ليه دارك ..

إداروا مني إستخسروا

عيشتي في سلام .. 

عويدت حالي لبعدهم 

زادوا شوك كلام ..

لكفيت حالي وإبتديت

أبعد بعيد .. 

بكوا عيوني إستكتروا 

فجري الجديد .. 

ووصوا فرحي لا يجيني 

ولا أنام سعيد

علوا فى جدارهم طوبه قسوة وطوبه نار

رشوا غلاوة ودهم 

ملح و مرار ..   

حرقوا قلوبهم غل منهم 

داقوا نار ..  

فاكريني هضعف إنما 

زادوني قوة 

والنسمه طلت

زغردت بان 

ضحكي غنوة .. 

ساندوني ضله بروح دفا

وقلوب نسيمها طوق وفا

حسوا بحالي والجفا

فاتحين لي دار ..

رويت ورودي وفتحت 

ناسيه اللي بيا ..

والشمس هلت نورت    

فرحي فى عينيا 

أمسي خلاص بقى ماضي راح 

ومسيرها تدبل تنتهى 

كل الجراح .. 

ونام يا قلبي 

كل ليل فاتك وإرتاح  

بقلم .. صبري رسلان