الشاعر الكبير الاديب .. جوزيف رداح / يكتب تعي ت علمك المحررة هبه

تعي ت علمك شو الدني يا زنبقة تشرين
العمر مو كلو هني فيه الحزن تخزين
فيه فرح وفي آﻻم
وفي ناس مابتنام
مجروحة من الحلوين ياأجمل الحلوين
قومي لنزرع ع القمر أحلى زهور الدار
ياخطيتو صابو ضجر من قلة الزوار
وانكمل المشوار يا احلى زهر الدار
يافرحتي من سنين يا أجمل الحلوين
تعي لنسرق من الشمس خصلة من الشعرات
خيطلك فستان العرس يانجمة الساحات
مابدي خياطات وخيطان وكبكوبات
رح خيطو بشرايين يا أجمل الحلوين
جوزيف رداح