" أخر واحد عاقل بالاردن"
اليوم كنت بالمركز الصحي واقف لحالي لبالي .والا جاي شب علي بيسألني. هو الطبيب ليش مش مداوم. قلت اله مداوم هسا شفته. قال لا اقصد الطبيب النفسي. طليت على الشب كان صغير عمره بالعشرينات . قلت اله انت تتعالج عنده والا لحدا كبير بعيلتك معك قال لا والله الي . انا الي اتعالج ومع انو في ازمه عليه الطبيب الا انو يعطل ومرات يجي متاخر .. طل علي وقال لا تستغرب معظم الي يتعالجوا بعمري . "وك شو بعمرك حكيتله يخرب بيت شيطانك" . فجأة تغير لونه شكله عصب مني وصراحة انا خفت قلت ممكن يكون هذا مجنون يعني يبعجني موس وبروح فيها وما حدا سائل عني .هو عذره معه بالمحكمة. بعدت عنه .. وانا اراقب هالمركز من بعيد ... معقول شباب بهالعمر انجنو.. مهو بصراحة اشي يجنن بهالبلد . الشوارع كلها بسطات الشوارع مسكرة وخربانة كمان. وظايف مافي شغل مافي . تأمين صحي مثل العالم والناس مافي .يعني الشب الي صحله شغله بمصنع ميتين دينار تلقاه محظوظ وبيوزع حلو. وفوق هالشي يستقرض كل شهر فوقهم عشان يروح دوامه .البنات عنسوا والشباب اعمارهم وصلت لثلاثين وبعضهم للاربعين مش قادرين يتجوزا . شغل مافي . فوضى بكل مكان وبكل شي. اكثر من مية الف اردني صاروا بتركيا. كل عمارات وبيوت الاردن معروضة للبيع والكل عايز يهج. السفارة الأمريكية كل سنة دخلها عشرة مليون من الشباب الي يختمولهم رفيوز وبيوخذوا منهم مية دولار .غير باقي سفارات اوروبا وكندا واستراليا. حتى صارت اي بلد غنية بدها دخل؛ تفتح سفارة الها ببلدنا. والادهى الرواتب الخيالية لكبار موظفين الدولة والادهى طول النهار يضحكوا ويأرجلوا ويدخنوا سيجار ولا هامهم اشي ولا سائلين عن عرب شرقت. يا زم نفسي اكون انسان بليد ما بحس باشي مثلهم. وانا نايم بفكر وانا بالشارع بفكر وانا اشتغل افكر بهالبلد والله تعبت. شي طبيعي انو العالم تنجن. ومع هذا انا مصر اضل اعقل واحد بالاردن . حتى لو انجنو كل الاردنية . راح اضل الاخير الي بنجن مجاكرة فيكم يا لصوص هالبلد.
.. الاردنية انجنو من ورا سياسيات هالحكومات العميا.
صرت افكر بصحابي وجيراني وقرايبي وادقق بتفاصيلهم وسلوكياتهم .. فعلا مش طبيعيين .. اشي مش طبيعي انا كاين عايش مع ناس مجانيين وانا مش داري بحالي ...
فكرت اتصل بصاحبي واحكيله علي شفته بالمركز الصحي . واساله اذا صار مثلهم مجنون .خفت يقولي اني ما رحت انا على المركز واصلا مافي طبيب نفسي بمركزنا واكون انا انجيت فعلا. صرت اراجع سلوكياتي انا وتذكرت كيف كنت ادخل المسجد اضحك دايما بدون سبب . وكان الناس يتحاشوا يقربوا الي او يحكوا معي. وتذكرت مرة بنص السوق كيف اجا عبالي فجأة هيك اطلع على عمود كهربا وارمي حالي . واتذكرت كم الف مرة يوقفوني الشرطة بالشوارع وين ما اروح ويسألوني وين رايح وبحلفلهم اني اردني وماشي بالاردن وما بيصدقوا الا لما يدققوا على اسمي يلطشوني كل مرة خمس دقايق توقيف يعني احسبهم خمس مية مرة بالسنة بخمس دقايق بعشر سنين اطلع مسجون سنة وانا مش داري بحالي . . يعني اشي يجنن والا ما يجنن..ومع هذا راح اضل صامد. تذكرت مبارح بنادي على ابني الي بالصف الاول وهو مروح من المدرسة بقوله تعال هي بيتنا وما بيرد بيروح مع زميله ابن الجيران يتغدى عندهم. وبعد ساعة يشرف . كثير سالت مرتي هو الزفت الصغير هذا معقول ما يكونو بدلوه النا بالمستشفى لما خلفتيه مهو كل شي فوضى بهالبلد طاسة وضايعه مثل بياع الجاج تبع النتافه بيوزن لعشرة مع بعض وبعدين يوزع عليهم عدد جاجهم.وقديش كنت اتهاوش معها عشان كنت بقول ديري بالك يبدلوه بالغلط .. الولد مش طايقني ولا طايق بيتنا. كل يوم يروح يتغدى عند الجيران ويشرف علي قريب العصر.. تقل قلاية البندورة عسفرتنا مش عاجبة جنابه.
وبيقولك الاردنية ليش انجنو..
______
في أخر الليل جلست مع نفسي كثيرا .. نظرت للمرآة فرأيت أحدا أخر غيري أنا الذي اعرفه . الوجه مخطط بتجاعيد تشبه حمار الوحش والعين اليمنى ذابلة واليسرى ضاحكة .. وشعر أشيب هنا وأحمر هناك وأسود فوق الحاجب .. أن وجهي بات خريطة .أهذا أنا . ايعقل أن أكون أنا. كانت الصورة في المرآة تعرفني ولا أعرفها .. انتبهت على صوت زوجتي وهي تصيح للصغير اعقل .. لم امتالك نفسي عندما صحت بوجهها . من تقصدين . اتقصدينني أنا . هل أنا مجنون. _ لا يا عزيزي إني أحدث الصغير عله ينام . إنك عاقل وعاقل جدا هل يمكنك اطفاء النور الأن .غدا سيذهب الاطفال للمدرسة وعلي الاستيقاظ باكرا . بدا حديثها مستفزا جدا جدا .. نظرت للمرآة . ولكني عاقل .. أليس كذلك .. نعم إني عاقل لم اجن بعد . قبل أن اتحسس تلك الخطوط التي تزخرف وجهي ..... " لا اظن ذلك قلت في نفسي لا اظن ذلك ابدا ابدا "
عواد المخرازي
اليوم كنت بالمركز الصحي واقف لحالي لبالي .والا جاي شب علي بيسألني. هو الطبيب ليش مش مداوم. قلت اله مداوم هسا شفته. قال لا اقصد الطبيب النفسي. طليت على الشب كان صغير عمره بالعشرينات . قلت اله انت تتعالج عنده والا لحدا كبير بعيلتك معك قال لا والله الي . انا الي اتعالج ومع انو في ازمه عليه الطبيب الا انو يعطل ومرات يجي متاخر .. طل علي وقال لا تستغرب معظم الي يتعالجوا بعمري . "وك شو بعمرك حكيتله يخرب بيت شيطانك" . فجأة تغير لونه شكله عصب مني وصراحة انا خفت قلت ممكن يكون هذا مجنون يعني يبعجني موس وبروح فيها وما حدا سائل عني .هو عذره معه بالمحكمة. بعدت عنه .. وانا اراقب هالمركز من بعيد ... معقول شباب بهالعمر انجنو.. مهو بصراحة اشي يجنن بهالبلد . الشوارع كلها بسطات الشوارع مسكرة وخربانة كمان. وظايف مافي شغل مافي . تأمين صحي مثل العالم والناس مافي .يعني الشب الي صحله شغله بمصنع ميتين دينار تلقاه محظوظ وبيوزع حلو. وفوق هالشي يستقرض كل شهر فوقهم عشان يروح دوامه .البنات عنسوا والشباب اعمارهم وصلت لثلاثين وبعضهم للاربعين مش قادرين يتجوزا . شغل مافي . فوضى بكل مكان وبكل شي. اكثر من مية الف اردني صاروا بتركيا. كل عمارات وبيوت الاردن معروضة للبيع والكل عايز يهج. السفارة الأمريكية كل سنة دخلها عشرة مليون من الشباب الي يختمولهم رفيوز وبيوخذوا منهم مية دولار .غير باقي سفارات اوروبا وكندا واستراليا. حتى صارت اي بلد غنية بدها دخل؛ تفتح سفارة الها ببلدنا. والادهى الرواتب الخيالية لكبار موظفين الدولة والادهى طول النهار يضحكوا ويأرجلوا ويدخنوا سيجار ولا هامهم اشي ولا سائلين عن عرب شرقت. يا زم نفسي اكون انسان بليد ما بحس باشي مثلهم. وانا نايم بفكر وانا بالشارع بفكر وانا اشتغل افكر بهالبلد والله تعبت. شي طبيعي انو العالم تنجن. ومع هذا انا مصر اضل اعقل واحد بالاردن . حتى لو انجنو كل الاردنية . راح اضل الاخير الي بنجن مجاكرة فيكم يا لصوص هالبلد.
.. الاردنية انجنو من ورا سياسيات هالحكومات العميا.
صرت افكر بصحابي وجيراني وقرايبي وادقق بتفاصيلهم وسلوكياتهم .. فعلا مش طبيعيين .. اشي مش طبيعي انا كاين عايش مع ناس مجانيين وانا مش داري بحالي ...
فكرت اتصل بصاحبي واحكيله علي شفته بالمركز الصحي . واساله اذا صار مثلهم مجنون .خفت يقولي اني ما رحت انا على المركز واصلا مافي طبيب نفسي بمركزنا واكون انا انجيت فعلا. صرت اراجع سلوكياتي انا وتذكرت كيف كنت ادخل المسجد اضحك دايما بدون سبب . وكان الناس يتحاشوا يقربوا الي او يحكوا معي. وتذكرت مرة بنص السوق كيف اجا عبالي فجأة هيك اطلع على عمود كهربا وارمي حالي . واتذكرت كم الف مرة يوقفوني الشرطة بالشوارع وين ما اروح ويسألوني وين رايح وبحلفلهم اني اردني وماشي بالاردن وما بيصدقوا الا لما يدققوا على اسمي يلطشوني كل مرة خمس دقايق توقيف يعني احسبهم خمس مية مرة بالسنة بخمس دقايق بعشر سنين اطلع مسجون سنة وانا مش داري بحالي . . يعني اشي يجنن والا ما يجنن..ومع هذا راح اضل صامد. تذكرت مبارح بنادي على ابني الي بالصف الاول وهو مروح من المدرسة بقوله تعال هي بيتنا وما بيرد بيروح مع زميله ابن الجيران يتغدى عندهم. وبعد ساعة يشرف . كثير سالت مرتي هو الزفت الصغير هذا معقول ما يكونو بدلوه النا بالمستشفى لما خلفتيه مهو كل شي فوضى بهالبلد طاسة وضايعه مثل بياع الجاج تبع النتافه بيوزن لعشرة مع بعض وبعدين يوزع عليهم عدد جاجهم.وقديش كنت اتهاوش معها عشان كنت بقول ديري بالك يبدلوه بالغلط .. الولد مش طايقني ولا طايق بيتنا. كل يوم يروح يتغدى عند الجيران ويشرف علي قريب العصر.. تقل قلاية البندورة عسفرتنا مش عاجبة جنابه.
وبيقولك الاردنية ليش انجنو..
______
في أخر الليل جلست مع نفسي كثيرا .. نظرت للمرآة فرأيت أحدا أخر غيري أنا الذي اعرفه . الوجه مخطط بتجاعيد تشبه حمار الوحش والعين اليمنى ذابلة واليسرى ضاحكة .. وشعر أشيب هنا وأحمر هناك وأسود فوق الحاجب .. أن وجهي بات خريطة .أهذا أنا . ايعقل أن أكون أنا. كانت الصورة في المرآة تعرفني ولا أعرفها .. انتبهت على صوت زوجتي وهي تصيح للصغير اعقل .. لم امتالك نفسي عندما صحت بوجهها . من تقصدين . اتقصدينني أنا . هل أنا مجنون. _ لا يا عزيزي إني أحدث الصغير عله ينام . إنك عاقل وعاقل جدا هل يمكنك اطفاء النور الأن .غدا سيذهب الاطفال للمدرسة وعلي الاستيقاظ باكرا . بدا حديثها مستفزا جدا جدا .. نظرت للمرآة . ولكني عاقل .. أليس كذلك .. نعم إني عاقل لم اجن بعد . قبل أن اتحسس تلك الخطوط التي تزخرف وجهي ..... " لا اظن ذلك قلت في نفسي لا اظن ذلك ابدا ابدا "
عواد المخرازي
ليست هناك تعليقات:
إرسال تعليق