بياع الصبر🥀
صبّرت الصبر يمكن يتصبر علي حالي
فاتني وقلي تعبت فيتك لصبرك هرحل أبعد وانساني
ليه يا صبر زهقك حالي
انا بيك بتونس
وأشرب معاك كاس
الصبر بطعم الصبار
يمكن يوم يروق زماني
قلي أنت عجبك حالك
ورضيت بوجعك
يا ابني فوق
ما تتعلق بحبال ديبانه
اتفتت خيوطها
ما تنفع ستر ولا ضله
يا ابني ما تصبر علي مزله
ولا تتعلق بأحلام خيبه
من ترك ايدك ورحل
اكسر وراه مليون قله
ولا اتناول الزير ما ليه عوزه
فارق طريقه
ولا تمسك ذكريات بايشه
أصبر ليه انا علي صبرك
وأتعشم بخلق هشه
لو يقدرا قيمتك
ما كان ده بقي حالك
يا ابني توب الرجال غالي
أرخيه علي كتوفك
وتخايل بحالك
ودوس علي ما خدك كحله بعيونه
آه ...كلمه أخيرة وملهاش تاني
لو صبرت علي اللى باع
عمرة يوم ما يشتريك
أصل طبعه الغدر
لو شربته الشهد بكفوفك
🌼منى محمد رزق
ليست هناك تعليقات:
إرسال تعليق