الشاعر الأديب المبدع ..صبري رسلان يكتب لنا شفرة أمل ( 188)

 شفرة  أمل        ( 188)

......................

بكيتي  حالي  يا  دنيا  ليه  

حزن  و  جراح  ..

ومشيت  على  شفرة   ألم  

ما  الكل  راح  ..

تاهت  عيوني   فين  هروح  

مكسور   جناح   ..

لكفيت  المي  في  الضلوع  

موجوع   لأرضي  ..

ههجرها  غصب  عني  أنا  

وهنجي  عرضي   ..

أخر  ما   ليا  في  الحياة  

زوجتي  وولادي   ..

شايلين   معايا   شيل  هموم  

حسرة   بعادي  .. 

ده  كفايه  حي  كأني  ميت  

ما  إندفن   ..

ضاع  حلمه  يوم  في  تراب  

بلاده  يكون   كفن  ..

يا  ترا  هيجي  يوم  يا  ولادي  نرجع   

وتدفنوا  عجزي   وخوفي  جوا  مني

لساة بينزف  من  الألم  لساه  بيوجع   ...

خوفي   عليكم  غصب  عني  

كان  أمل   ..

ويكون  حقيقه  بأيدكم  إنتوا  يكتمل 

بقلم   ..  صبري رسلان