بذور جهنم ( 187 )
......................
دبليت قلوبنا من الألم
ووشوش حزينه
دبحوا الحمام مات السلام
قدام عينينا ...
شياطين بيغلي كرههم ليبكوا فينا
....... لبنان ......
دي حته مننا له حقوق علينا
شريان بيجري في دمنا
ما هو عرق فينا
أوجاعه وجعت قلبينا
أيه بس ذنبه ...
ذنبه إنه طيب خططوا
في أذاة وغمه ..
ما يعرفوش فيه أقوى منهم
الله واحد ..
إزاي تقابلوا ربنا وذنوبكوا فاحيت
إزاي تأم للصلاة وقلبك ده جاحد
تتوضأ من دم الجريح
ولا من دم الشهيد
اللي روحه في لحظه راحت
نرفع أيدينا بالدعاء أخذا عزيز
يارب إنت المنتقم ورينا آيه
في بذور جهنم واللي زارع
من البدايه ..
واللي حاصد غل نارهم
واللي ضلم بيت هدايه
الحكايه ما أنتهتش
طالما فيه شرور نوايا ..
والكراسي والمناصب هي دي
أصل البلايا ...
بردا وسلاما يا لبنان
من شر الفتن والخفايا ...
بقلم .. صبري رسلان
ليست هناك تعليقات:
إرسال تعليق