( ضمير الحى)
عايش بهواك على كيفك
بتغزل شر مين شافك
ربيعك حر كيف صيفك
وبتحصد فى إلأراضى البور
جاير وتجور
وشهادة زور
تفيد غيرك
وحق يغور
ورشوة إيد ومقبوضه
ومعدوده وبيها مسرور
راضى بالذل على نفسك
تعيش دلدول
وطبعك تم فى الباطل
ما عنه عدول
فاكر نفسك كدا شاطر
وليك فضول
تخون العشره وتنافق
حياتك شيىء بدل نافق
مأجور للغير
ناكر للخير
وطريق سيرك
فى عكس السير
على حق أخوك ليه حايف
وليه م الخالق مش خايف
حياه صعبه أديك شايف
الهم فوق الراس طايف
حياه مش عايزه وصايف
ليه ياضمير تبيع نفسك
والإعدام يكون وصفك
خيانه إخترتها إسمك
ودا حال
ضمير الحى
ضمير طمعان فى خير غيره
عايش حيران مايوم شبعان
تراب الكون ما يملى عنيه
ومش قصدى
الضمير الحى
بقلمى
نبيل عبد الحليم
٢٠/١٠/٢٠٢٠
ليست هناك تعليقات:
إرسال تعليق